Мајкл Џексон 1958 - 2009 Светот го оплакува кралот на попот

Мајкл Џексон 1958 - 2009 Светот го оплакува кралот на попот
На кралот на поп музиката му запрело срцето, во неговиот дом. Пејачот го оживувале на патот до болница, но тој не дишел. Џеремаја Џексон ја потврди смртта пред медиумите и се прости од легендарниот брат.



“Мојот брат, легендарниот крал на попот, премина во четврток во 14.26 часот. Веруваме дека во својот дом доживеал срцев удар, но точната причина за смртта ќе ја дознаеме после резултатите на аутопсијата. Неговиот доктор кој тогаш бил со него се обидел да го оживее.“- изјавил братот на Мајкл и замолил за приватност.

“Нека Алах биде со тебе Мајкл. Те сакаме.“- додал Џеремаја.



Џексон не дишел кога пристигнала брзата помош во неговиот дом. Во болница го примиле околу 13.14 часот (по тамошно време) во кома. Повеќе од еден час се обидувале да го вратат во живот. Неговата мајка Кетрин и сестрата Летоја веднаш пристигнале во болницата, брзо по нив целото Џексон семејство се собрало во болницата. Набрзо американските и светските медиуми ја пренеле веста дека кралот на поп музиката починал. Точната причина за смртта ќе се знае денес после аутопсијата.